مسافر يا دنيا🌞
**********
الشاعر
بسام
أبو مصطفي
.............
مسافر يادنيا وزادي
الهموم 🌟🌟 و كلمة وداع
ح أودع معاني الطفولة البريئة
ح أشطب بإيدي معاني الخداع
**
و ح أرسم سنيني الأخيرة
و أقول لك
خديني يادنيا لشمسك
وضلك وشوفي ف عيوني
دموع انهيار
**
ف لحظة ما أودع ساعات النهار
و أطبطب عليا و أقوللي سماح
مسافر يادنيا وسايبك لحالك
وكاتم ف قلبي مرارة فعالك
مسافر حقيقي أداوي الجراح
**
جمعت الثواني
وكل الدقايق ومر الساعات
و صورة حزينة قالتلي
أدينا مشينا ف سكات
و أخدت الليالي
وحزني اللي مالي
كتاب الأنين
**
و لحظة بريئة ف قلبي
غريقة ألاف السنين
و ماشي بلملم جراحي و همومي
و أودع سنيني وأمسي ويومي
و أسلم عليهم بقلبي وعيوني
أخيراً
مسافر يادنيا وسايبك
و ح أنسي برحيلي مراحل متاعبك
**
وح أبدأ حياتي بدون ما تشوفوني
مسافر يادنيا وقاطع تذاكر
ووقتي بيجري
ضروري
أحمل همومي بسرعة
وشايفك بتجري
كأنك يادنيا لقيتي الحكاية
بتخلص ف مينا
**
وجاية تحاولي
تحولي مابيني وبين السفينة
ح أسافر يادنيا
وأسيبك ورايا
ماعدش إعتزارك ح يفرق معايا
يا دنيا بأمانة بتهوي الخيانة
ملامح طريقي قالتلي رجوعك
ح تدفع قصاده
مرارة دموعك
ف ليلة كئيبة تعيشها معانا
ومشيت سفينة حياتي
وعدت حدود الهموم
لوحدي لقيتني مسافر يادنيا وبحلم بيوم
أشوفني برئ الملامح و أسامح
و أقيد الشموع
**
و أكتب حكايتي بنفسي
و أصالح ف عيني الدموع
وتطلع عليا ساعات النهار
و أحلم ببكرة وكلي انتظار
لشمسه اللي جاية تطبطب عليا
و أغمض عيوني وأنام بارتياح
و أقول لك يادنيا داويت الجراح
ف لحظة ما سبتك كسبت القضية
**
.....
بقلم
💞 أشعار بسام
أبو مصطفي💞
ليست هناك تعليقات:
إرسال تعليق