هذه المعزوفة.............
مهرك
السيد امين
من متتابعة المومياء
..........
هذه المعزوفة.............
مهرك ياست البنات .....
شايله هنا ف كمّى.....
***
زينة العرايس......بكرية بنات
عمى...
دى رملة من سينا ....شربانة
من دمى...
***
ودم باهى وفوزى ...ومهنى.....
رمل وزلط سينا ....كله
....زلط ألوان....
***
باشواجى خرّمته ....إيه يعنى
كام فدان......
وبحبل الغرام والحب ....جمّعته
كام كردان.....
***
لابساه على صدرك.........لفلف
على اكتافك.......شخلل ف خلخالك....
***
ياجبينك العالى .....والعجد
بيلالى.....زى ميت جنديل......
راجع وراسى لفوج ....
فوج السحاب من فوج.....
***
وسلاحى بإديّة...ساند على اكتافى
.....
وع الشوك انا حافى ....وحافضل
كدة ماشى ....
***
ما يهم يألمنى .....من شوكة
سلاية....
دا عينيها ضحكاية....والرمش
غمزاية.....
***
والخد ورداية.........والكحلة
ضلاية......
وجبينها شمساية ......فى حضن
فسجية
***
ترجص مع المية......فى عز ضهرية.....
وآدى ضفاير ليل......حاضنة
النجوم......والبدر.........
***
يابدر يامنور.....فاكر وأنا
صغير.....جاعد ف جلب الجرن.......
بين الجلاش والتبن....والبجرة
دوارة....ع الرمية محتارة.....
***
جانا المدرّاوى......كان اسمه
سعداوى.....
والنسمة أهى جاية ....وأمى
كمان جاية ......
جايبة عسل ....وفطير......
***
احكى ياستوتة .....احكيلى حدوتة....بحكاية
ملتوتة .....
عشان أنام بدرى.....عشان كدة
بدرى.....
أصحى انا والشمس.....لغطانك
الخضرا.......وتكالى ع الرحمن.....
***
كنا فى فصل الصيف......
ومالك يافصل الصيف.....
الدنيا لهلوبة.....ماحلاكى
ياطوبة.....
***
وكانت معانا الفاس.....نعزج أنا والناس.........شطة وغيط جلجاس.....
والمية ف الترعة.....مع السواجى
تدور.....
***
والناف هنا ع التور.....والتور
يلف يلف......
والنسمة تجرى تهف .....ف خدودنا
وعيونا.............
***********************
المومياء هى قصة قصيرة بالشعر
العامى المصرى...عن حرب 73...
المؤ لف السيد امين صالح
.............الباجور.......
ليست هناك تعليقات:
إرسال تعليق